وەزیری کشتوکاڵی هەرێم رایگەیاند، پرۆژەی بەبازاڕکردنی گەنمی جوتیاران لە
هەولێر ٨٥٪ کارەکانی
تەواوبووە و لە قۆناغی یەکەمدا ٢٠ سایلۆی گەورەی لێ دروستکراوە، کەلە توانایدایە
سێ هەزار هەلی کار بۆ دەرچووان و دەستی کار بڕەخسێنێت.
وەزارەتی کشتوکاڵ
وسەرچاوەکانی ئاوی هەرێم راگەیاندراوێکی لەبارەی کارەکانی پرۆژەی بەبازاڕکردنی
گەنمی جوتیاران لە هەولێر بڵاوکردەوە و تێیدا هاتووە:" پرۆژەکە ٨٥٪ی کارەکانی
تەواوبوو و یەکێکە لە گرنگترین پرۆژەکانی عێراق و هەرێمی کوردستان، کە لەسەر
رووبەری هەزار و ٢٠٠ دۆنم زەوی ٢٠ سایلۆی گەورەی لە قۆناغی یەکەمدا لێ دروست کراوە،
هەر سایلۆیەکیش توانای هەڵگرتنی پێنج
هەزار تەن گەنمی هەیە ".
ئاماژە بەوەشکراوە:"
پرۆژەکە لە توانایدایە سێ هەزار کەس لە
دەرچووان و دەستی کار بخاتە سەرکار، لە مانگی حەوتدا یەکەمین وەجبەی
ئاردی خۆماڵی کارگەکانی ئەم پرۆژەیە دەکەوێتە بازاڕەکانی هەرێمی کوردستان ".