وابڕیارە هەفتەی داهاتوو وەزارەتی دارایی عێراق دەست بە خەرجکردنی بودجە
بکات بە پشکی هەرێمیشەوە.
فازڵ نەبی، بریکاری پێشووی وەزارەتی دارایی عێراق بە ماڵپەڕی پارتی
راگەیاندووە:" وەزارەتی دارایی عێراق لە هەفتەی داهاتووەوە دەست دەکات بە
خەرجکردنی بودجەی ساڵی ٢٠٢١ و پشکی هەرێمیش خەرجدەکرێت لە گەڵیدا".
ئەوەشی راگەیاندووە:" خەرجکردنی پشکی هەرێم لە بودجە ئاسانە و وەک پێشوو
نییە تەنها پارەکەی حسابدەکرێت و رەوانە دەکرێت".
ئەمەش لەدوای ئەوەدێت، لەماوەی رابردوودا لەدوای چەند سەردانیکردنێکی شاندی
هەرێم پشکی هەرێمی کوردستان لە بودجەی عێراقدا پەسەندکرا.