وەزارەتی ئەوقاف و کاروباری ئاینی ئاگاداری ئەو کەسانە دەکاتەوە کە نیازی
ئەنجامدانی گەشتی عومرەیان هەیە تەنها لە رێگەی ئەو کۆمپانیایانەوە گەشت بکەن کە
ناویان لێی هاتووەتەوە.
ئەمڕۆ دووشەممە، ١٩ی نیسان، وەزارەتی ئەوقاف و کاروباری ئاینی ئاگادارییەکی
لەبارەی ئەنجامدانی گەشتی عومرە بڵاوکردەوە و تیێدا هاتووە:" ئەو کەسانەی بەنیازی ئەنجامدانی گەشتی عومرەن
تەنھا لەرێگەی ئەو کۆمپانیایانەی لەلایەن وەزارەتی ئەوقافەوە مۆڵەتیان پێدراوە گەشتەکەیان
ئەنجامبدەن، بەپێچەوانەوە بەڕێوەبەرایەتی گشتی حەج و عومرە بەدەرلەو کۆمپانیایانەی
مۆڵەتیان هەیە و رێککارەکانیان تەواو کردوە بەرپرسیار نییە ".
لە هەرێمی کوردستان نۆ کۆمپانیای تایبەت بە رێکخستنی حەج و عومرە مۆڵەتی فەرمیان پێدراوە، چوار کۆمپانیا لە پارێزگای هەولێرن، سێ لە دهۆک، دوو کۆمپانیاش لە سلێمانی و هەڵەبجەن .