وەزیری پێشمەرگە رایگەیاندووە، لە چەند هەفتەی داهاتوودا
لیوا هاوبەشەکانی پێشمەرگە بە زیادەوە مووچەکانیان وەردەگرن.
شۆڕش ئیسماعیل، وەزیری پێشمەرگەی هەرێم رایگەیاند:"
بەهۆی رێکخستنەوەی خەرجیییەکانەوە چەندین ملیار بۆ خەزێنەی دەوڵەت گەڕاوەتەوە و لە
چەند هەفتەی داهاتوودا لیوا هاوبەشەکانی سەر بە وەزارەتەکەیان بە زیادەوە
مووچەکانیان وەردەگرن".
ئەوەشی راگەیاندووە:" لیواکانی سەر بەوەزارەتی
پێشمەرگە رێکخراونەتەوە و لە ئێستادا ١٤ لیوان کە لەلایەن هێزەکانی هاوپەیمانانەوە
مووچەکانیان دابین دەکرێت".
ئاماژەی بەوەشکردووە:" پڕۆسەی چاکسازی لە وەزارەتی
پێشمەرگە هەنگاوی باشی ناوە و لە ئایندەدا هێزێکی یەکگرتوومان دەبێت".