بەگوێرەی خشتەی راگەیەندراوی وەزارەتی دارایی و ئابوری، لە میانی دابەشکردنی مووچەی مانگی ئایاردا ئەمڕۆ ١٧ شوێن مووچەکانیان وەردەگرن.
دوای ئەوەی رۆژی شەممەی رابردوو وەزارەتی دارایی و ئابوری هەرێم خشتەی دابەشکردنی مووچەی مانگی ئایاری راگەیاند، لە ئێستادا پڕۆسەکە بەردەوامە و وا بڕیارە تا رۆژی پێنجشەممە مووچەی سەرجەم وەزارەت و فەرمانگەکان دابەشبکرێت.
وا بڕیاریشە ئەمڕۆ مووچەی وەزارەتی کار و کاروباری کۆمەڵایەتی و ئەنجومەنی دادوەری و خاوەن پێدوایستییە تایبەتەکان و چەندانی دیکە دابەشبکرێت.
شایەنی باسە مووچەی ئەم مانگە بەهۆی کۆنەبوونەوەی داهات بۆ ماوەی چەند رۆژێک دواکەوت، سەرباری ئەوەی پشێتر حکومەتی هەرێم رایگەیاندبوو کە ٣٠ رۆژ جارێک مووچە دابەشدەکەن.
