سەمیر هەورامی
رایگەیاند، سبەی بەبێ لێبڕین دەست بە دابەشکردنی مووچە دەکرێت.
"مووچە بەبێ لێبڕین دابەشدەکرێت"
ئەمڕۆ یەکشەممە،
٢٥ی تەمموز، سەمیر هەورامی، وتەبێژی جێگری سەرۆکی حکومەتی هەرێم رایگەیاند:" ئەنجوومەنی باڵای ئابووری ھەرێم بڕیاریدا
مووچەی مووچەخۆرانی ھەرێمی كوردستان بەتەواوەتی تەمویل بكرێت و ھیچ بڕە
پارەیەكی لێ كەمنەكرێتەوە، سبەینێش دەست بە دابەشکردنی مووچە دەکرێت ".
ئاماژەی بەوەشکرد:" ئەم بڕیارەی حكومەتی ھەرێم پاش ئەوە دێت كە حكومەتی عێراق لەسەر بنەمای یاسای بودجەی ٢٠٢١ی عێراق بڕە پارەیەك كە ٢٠٠ ملیار دینارە و وەك سلفەی دارایی بۆ ھەرێم دەنێرێت، ھەروەھا رێكخستنەوە و زیادبوونی داھاتی ناوخۆی ھەرێمیش ھۆكار بوو بۆ تەمویلكردنی تەواوەتی مووچە ".
ئەمەش لەکاتێکدایە، پاش سەردانەکانی شاندی هەرێم بۆ بەغدا بە سەرۆکايەتی قوباد تاڵەبانی و پەسەندکردنی پشکی هەرێم لە بودجەی ٢٠٢١ی عێراق، لێبڕينی مووچە کۆتایيهات.