نوێنەری بەنزینخانەکانی سلێمانی رایگەیاند، بڕیارە لە چەند رۆژی داهاتوودا
رۆژانە بڕی ٣٦٠ هەزار لیتر بەنزین لەلایەن حکومەتی عێراقەوە رەوانەی پارێزگای
سلێمانی بکرێت .
نرخی یەک لیتر بەنزین بۆ ٦٩٠ دینار دادەبەزێت
ئەمڕۆ سێشەممە، ١٤ی ئەیلول، بە‌همەن شێخ قادر، نوێنەری بەنزینخانەکانی
سلێمانی بە BMC راگەیاند:" لە چەند رۆژی داهاتووەوە حکومەتی عێراق رۆژانە لە رێگەی ١٠
تانکەرەوە بڕی ٣٦٠ هەزار لیتر بەنزین بۆ پارێزگای سلێمانی دەنێرێت و نرخی یەک لیتر بەنزینی جۆری نۆڕماڵ لەو بەنزینخانانە بە ٦٩٠ دینار دەبێت ".
ئاماژەی بەوەشکرد:" بەنزینەکە بەسەر ١٠ بەنزینخانەی پارێزگای سلێماندا دابەشدەکرێت ".
ئەوەشی خستەڕوو:" چەند رۆژێک پێش ئێستا ئەو بەنزینەی حکومەتی فیدراڵ
بۆ هەرێمی کوردستانی دابینکردبوو گەیشتە شاری دهۆک، ئەمڕۆش پشکی شاری هەولێر
رەوانەکرا و پێشبینی دەکرێت لەچەند رۆژی داهاتوودا پشکی سلێمانیش و هەڵەبجەش بنێردرێت ".