بەڕێوەبەرایەتی پۆلیسی راپەڕین رایگەیاند، لە ئەنجامی رووداوێکی هاتوچۆی
نێوان بارهەڵگر و ئۆتۆمبێلێکی تایبەت، کەسێک گیانی لەدەستدا.
"هیچ ناسنامەیەکی پێ نییە"
ئەمڕۆ سێشەممە، ١٤ی ئەیلول، بەڕێوەبەرایەتی پۆلیسی راپەڕین بڵاویکردەوە:"
نزیک کاتژمێر ٥ی ئێوارەی ئەمڕۆ رووداوێکی هاتوچۆ لە نێوان بارهەڵگر و ئۆتۆمبێلێکی
تایبەتی جۆری ئۆپڵ روویدا، بەهۆیەوە شۆفێری ئۆتۆمبێلە ئۆپڵەکە گیانی لەدەستدا و
هیچ ناسنامەیەکیشی پێ نییە ".
ئاماژەی بەوەشکرد:" ئەو کەسەی گیانی لەدەستداوە تەمەنی لە نێوان ٢٥ بۆ ٣٠
ساڵ دەبێت و کابۆیەکی
رەش و کراسێکی سپی لەبەردایە ".
هاوکات، بەڕێوەبەرایەتی
پۆلیسی راپەڕین داوا لە کەسوکارەکەی دەکات بەمەبەستی وەرگرتنەوەی تەرمەکەی سەردانی
پزیشکی دادی رانیە بکەن.