بەشێک لە میدیاکان بڵاویانکردەوە، سبەینێ مووچەی مانگی ئەیلولی لیوا هاوبەشەکانی
هێزی پێشمەرگە دابەشدەکرێت.
ئەمڕۆ دووشەممە، ٢٠ی ئەیلول، بەشێک لە میدیاکان لە زاری سەرچاوەکانیانەوە
بڵاویانکردەوە:" سبەینێ دەست بەدابەشکردنی مووچەی مانگی ئەیلولی لیوا
هاوبەشەکانی پێشمەرگە دەکرێت، کە ژمارەیان ١٤ لیوایە و مووچەکانیان راستەوخۆ لەلایەن
هاوپەیمانانەوە دابیندەکرێت ".
داوای رێکخستنەوەی کاتی دابەشکردنی مووچەکانیان دەکرێت
هاوکات، بالانبۆ محەمەد، جێگری سەرۆکی
لیژنەی ناوخۆ و ئاسایش و ئەنجومەنە خۆجێییەکان لە پەرلەمانی کوردستان بە BMC راگەیاند:" لە کۆبوونەوەکانماندا لەگەڵ حکومەت داوامانکردووە مووچەی لیوا
هاوبەشەکان و فەرمانبەرانی مەدەنی لەیەک کاتدا دابەشبکرێت و وادەی دابەشکردنەکەی
رێکبخرێتەوە ".
ئاماژەی بەوەشکرد:" پێشتر بەهۆی چەند گرفتێکەوە چەند مانگێک
رەوانەکردنی مووچەی ئەو لیوایانە لەلایەن هاوپەیمانانەوە دواخرا، بەڵام ئێستا ئەو
گرفتە چارەسەرکراوە ".