وەزارەتی پێشمەرگە رایگەیاند، لەم مانگەوە لیوای یەکی پیادەی وەزارەتی پێشمەرگە
مووچەکانیان بە شێوازی چەکەی بانکی وەردەگرن و لە داهاتووشدا مووچەی سەرجەم
لیواکان بەوشێوەیە دابەشدەکرێت.
قۆناغێکی دیکەی پڕۆسەی چاکسازی کەوتە بواری جێبەجێکردنەوە
ئەمڕۆ پێنجشەممە، ٢١ی تشرینی
یەکەم، وەزارەتی پێشمەرگە رایگەیاند:" قۆناغێکی دیکەی پڕۆسەی چاکسازی کەوتە
بواری جێبەجێکردنەوە و لەم مانگەوە لیوای یەکی پیادەی وەزارەتی پێشمەرگە
مووچەکانیان بە شێوازی چەکەی بانکی وەردەگرن، لەداهاتووشدا لیواکانی دیکەی وەزارەت
بە هەمان شێواز مووچەکانیان وەردەگرن ".
ئاماژەی بەوەشکرد:" بەڕێوەبەرایەتی
چاکسازی بە هەماهەنگی لەگەڵ بەڕێوەبەرایەتی گشتی ژمێریاری سەربازی و بەپاڵپشتی
راوێژکارانی سەربازی هێزەکانی هاوپەیمانان پڕۆژەی بە ئەلیکترۆنی کردنی مووچە
بەرێوەدەبەن ".