رۆژنامەنووسەکەی شێخ نەهرۆ
کەسنەزانی ئاماژەی بەوەکرد، لەبەر ئەوەی نەبووە بە دەروێش ئامۆزایەکی شێخ نەهرۆ
کەسنەزانی چەند جارێک پەلاماری داوە و بەشەق کردوویەتییە دەرەوە.
محەمەد فاتیح حامید،
رۆژنامەنووسی تایبەتی شێخ نەهرۆ کەسنەزانی رابەری تەریقەتی قادری کەسنەزانی
وتی:" د.هەژار محەمەد کە مامۆستایە لەزانكۆی سلێمانی و ئامۆزای شێخ نەهرۆ
كەسنەزانییە، ئەمڕۆ لەبەردەم دەرگای بارەگای سەرەكی تەكیەكە لەسلێمانی، بەشەق كردمییە
دەرەوە و پاسەوانەكانیش پاڵپشتیان لەو كرد و منیان كردە دەرەوە ".
وتیشی:" دوای ئەوەی
جارێكیان ئەو ئامۆزایەی شێخ نەهرۆ لەبارەگای سەرەكی تەریقەتی كەسنەزانی لەسلێمانی
دەری كردمە دەرەوە، شێخ نەهرۆم لێ ئاگاداركردەوە، دووەم جار لەبەردەم شێخ نەهرۆ
خۆی پەلاماریدام و هەڕشەشی لێكردم، بەڵام ئەمجارەیان دەستدرێژی كردەسەرم و بەشەق
لەتەكیەكە كردمێ دەرەوە".
دروشمەكانی هیچی راست نین و تەنها قسەن
ئەوەشی خستەڕوو:" پەیامی
من بۆ شێخ نەهرۆ كەسنەزانی ، ئەگەر لەم رووداوە دادپەروەری لەگەڵ من نەنوێنێت،
دروشمەكانی هیچی راستنین و تەنها قسەن و هیچی تر!"
ئەوەشی وت:" پەیامێكی
دیکەشم بۆ حكومەت و لایەنی پەیوەندیدار ئەوەیە، خۆم و ماڵ و منداڵم چیمان بەسەر
بێت شێخ نەهرۆ كەسنەزانی و دارودەستەكەی بەپرسن و من تەنها باجی ئەوە دەدەم كە تائێستا رازی نەبووم
ببم بەدەروێش و ناشبم ".
رۆژنامەنووسەکەی شێخ نەهرۆ
دەشڵێت:" باشە سەربەخۆبوون بۆچی هێندە تاوانە لەم وڵاتە! من لەسەر داوای شێخ نەهرۆ لەو تەكیەیە
دەستبەكاربوومە كە وەكو رۆژنامەنوسێكی سەربەخۆ كاریان لەگەڵ بكەم، تاوەكو ئێستاش
سێ بۆ چوار جار دەستم لەكاركێشاوەتەوە و لەسەر بڕیاری شێخ نەهرۆ خۆی گەڕاومەتەوە،
بەڵام دواجار هەڕشیان لێكردم و تیان: ئەمجارە وازبهێنیت، ناتگەڕێنینەوە بەڵكو
دەتكوژین ".