وەزارەتی پێشمەرگە بڕیاریدا بەهەموو شێوەیەک رووماڵکردنی
شەڕەکانی هێزی پیشمەرگە لەدژی چەکدارانی داعش لەلایەن رۆژنامەنووسانەوە قەدەغە
بکرێت.
ئەمڕۆ سێشەممە، وەزارەتی پێشمەرگەی حکومەتی هەرێمی
کوردستان رایگەیاند:" بە بڕیاری وەزیری پێشمەرگە رووماڵی جەنگ و هێزی پێشمەرگە قەدەغە
کرا و هیچ فەرماندە و پلەدار و پێشمەرگەیەک رێگەی پێنادرێت روونکردنەوە و
چاوپێکەوتن، بە بێ گەڕانەوە بۆ بەڕێوەبەرایەتی گشتیی راگەیاندن و هۆشیاری نیشتمانی
وەزارەتی پێشمەرگە ئەنجامبدات ".
پیشتریش، وەزارەتی رۆشنبیری
و لاوانی حکومەتی هەرێم دەزگا میدیاییەکانی ئاگادارکردەوە بەوەی بەهیچ جۆرێک وێنە
و ڤیدیۆی پەلامارەکانی چەکدارانی داعش بڵاونەکەنەوە، بە پێچەوانەشەوە رێککاری
یاساییان بەرامبەر دەگیرێتەبەر.