لیوا قارەمان کەمال ئاماژەی بەوەکرد، تاکو ئێستا ١٨ لیوا لە هەردوو هێزی ٧٠
و ٨٠ یەکخراونەتەوە و خراونەتەسەر وەزارەتی پێشمەرگە.
دوو لیوای دیکە دەخرێنەسەر وەزارەتی پێشمەرگە
لیوا قارەمان کەمال، جێگری سەرۆکی ئەرکانی وەزارەتی پێشمەرگە باسی
لەوەکردووە:" پڕۆسەی یەکخستنەوەی هێزەکانی پێشمەرگە بەردەوامە و تاکو ئێستا
توانراوە ١٨ لیوای هەردوو هێزی ٧٠ و ٨٠ یەکبخرێنەوە و بخرێنەسەر وەزارەتی
پێشمەرگە، بەمزووانەش دوو لیوای دیکە دەخرێنەسەر ئەو وەزارەتە ".
ئەوەشی خستووەتەڕوو:" ئەو لیوایانەی خراونەتە سەر وەزارەتی
پێشمەرگە و كراون بە لیوای هاوبەش، چەك و پێداویستییە سەربازییەكانیان بۆ دابین كراوە ".