وەزیری پەروەردە رایگەیاند، دەسەڵاتیان داوە بە بەڕێوەبەرایەتییە گشتییەکان
بۆ راگرتنی دەوامی خوێندن لە سنوورەکانیان لەکاتی بوونی حاڵەتی نەخوازراودا.
ئالان حەمەسەعید، وەزیری پەروەردەی حکومەتی هەرێم بە ماڵپەڕی
"کوردستان تیڤی" راگەیاندووە:" دەسەڵاتمان داوە بە بەڕێوەبەری گشتیی پەروەردەکان، پارێزگاران و
سەرپەرشتیاری ئیدارە سەربەخۆکان لە ئەگەری هاتنەپێشی هەر حاڵەتێکی سروشتی دەسەڵاتی
راگرتنی دەوامیان لە ناوەندەکانی خوێندن هەیە ".
ئەوەشی خستووەتەڕوو:" لە مانگی
6ـی ئەمساڵەوە ئەو دەسەڵاتەمان بە بەڕێوەبەری گشتیی پەروەردەکان داوە، بەڵام
پێویستە رەزامەندی پارێزگار وەربگرن ".