بەڕێوەبەرایەتی گشتی کەشناسی
و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.
بەڕێوەبەرایەتی گشتی
کەشناسی و بومەلەرزەزانی هەرێم رایگەیاند:" ئەمڕۆ یەکشەممە، ئاسمان لەنێوان
ساماڵ و پەڵە هەور دەبێت و لە کاتەکانی ئێوارەشدا بۆ نیمچە هەور دەگۆڕێت".
ئاماژەی بەوەشکرد:"
سبەی دووشەممە، ئاسمان نیمچە هەور و هەوری تەواو دەبێت، لە کاتەکانی بەیانی زوودا
باران بارین لەسەر ناوچە جیاجیاکانی هەرێم دەستپێدەکات، لە ئەنجامی هاتنی شەپۆلێکی
باران بارین بۆ سەر ناوچەکەمان، پێشبینی باران بارین بەشێوەی نمە باران و
مامناوەند لە پارێزگاکان دەکرێت، هەروەها لە درەنگانی شەوی دووشەممە لەسەر
سێشەممە، کاریگەرییەکانی شەپۆلەکە لەدوای یەکگرتنی هەردوو نزمە پاڵەپەستۆی دەریای
ناوەڕاست و دەریای سوور زیاد دەکات".
باسی لەوەشکرد:" بەرزترین
پلەکانی گەرمای سبەی شارەکانی هەرێم بەمشێوەیە دەبێت:
هەولێر : 16
سلێمانی :17
دهۆک : 15
زاخۆ : 16
هەڵەبجە : 16
کەرکوک : 18
سۆران : 14
حاجی ئۆمەران : 7
گەرمیان : 21