مەسرور بارزانی رایگەیاند، لەگەڵ سەرۆکوەزیرانی عێراق بۆ چارەسەرکردنی
پرسی مووچە و شایستە داراییەکانی هەرێمی کوردستان لەسەر هێڵە، دەشڵێت " بەڵێن
دراوە لە چەند رۆژی داهاتوودا کێشەی مووچە چارەسەر بکرێت ".
مەسرور بارزانی، سەرۆکوەزیرانی هەرێمی کوردستان لە راگەیەندراوێکدا
ئاماژەی بەوەکرد:" دڵنیایی دەدەم کە لەگەڵ سەرۆکوەزیرانی عێراق لە گفتوگۆداین
بۆ چارەسەرکردنی پرسی مووچە و وەکو بە ئێمەی وتووە، لە چەند رۆژی داهاتوودا پرسی
مووچەچارەسەر دەکرێت و هیوادارم چیدیکە ئەم بابەتە نەبێتە گرفت بۆ خەڵکی کوردستان
".
ئەوەشی خستەڕوو:" دەستی زۆر خراپ هەبوون بۆ تێکدانی نەناردنی
مووچە و دابینکردنی بودجە بۆ خەڵکی هەرێمی کوردستان ".
مەسرور بارزانی وتیشی:" گرفتی
ئێمە تەنیا مووچە نییە، داواکاریی ئێمە، رێبازی ئێمە، میلـلەت و خاکی ئێمە زۆر لە
مووچە زیاترە، بەڵام مووچە بە ژیانی خەڵکەوە گرێدراوە ."