قوباد تاڵەبانی وتی، دەبێت رزگارمان بێت لە نەوت، چونکە نەوت بۆ خەڵکی هەرێمی کوردستان بووەتە بەڵا.

قوباد تاڵەبانی، جێگری سەرۆکوەزیرانی هەرێمی کوردستان لە میانەی بەشداریکردنی لە دیداری سلێمانی رایگەیاند:" رۆژێک دێت کە نەوت نامێنێت، نزیکەی 15 ساڵێکمان لەبەردەست ماوە بۆ ئەوەی بتوانین ژێرخانێک دروست بکەین کە وابکات ئەم وڵاتە بتوانێت بەبێ نەوت خۆی بەخێو بکات ".

ئەوەشی خستەڕوو:" خۆشحاڵبووم کە چەندین کەس لە قسەکەرکان باسیان لە حکومەتی ئەلیکترۆنی و بەرەو جیهانێکی دیجتیاڵیی کرد، ئەمە باشترین رێگایە بۆ چاکسازی ".

قوباد تاڵەبانی باسی لەوەشکرد:" نزیکەی 10 ساڵ لەمەوبەر هەرێمی کوردستان رووبەڕووی قەیرانێکی سەختی ئابووری بووەوە، هەر ئەوکات بیرمان لەوەکردەوە کە چۆن بتوانین سود لە تەکنەلۆژیا وەبگرین و مووچەخۆران لە سیستمی بایۆمەتری تۆمار بکەین ".

وتیشی:" خۆشبەختانە ئێستا سیستمی بایۆمەتری بووەتە هۆکاری چارەسەرکردنی کێشەکانی نێوان هەردوو حکومەتی هەرێم و فیدراڵ، ئێستا حکومەتی فیدراڵ متمانەی هەیە بە لیستی مووچەی فەرمانبەرانی هەرێم و دڵنیا بووە لەوەی بندیوار و دوو مووچەیی تێدا نییە ".

لە درێژەی قسەکانیدا قوباد تاڵەبانی وتی:" لە وڵاتێکدا دەژین کە گەنجێکی زۆرمان هەیە زۆربەیان شارەزان لە بەکارهێنانی تەکنەلۆژیا و خاوەن بڕوانامەن ".

نوێدەکرێتەوە..