سەبارە بەو كەسانەی كە رووبەڕووی هەستیاری بەرانبەر وەزری بەهار دەبنەوە و رێگا و چارەسەر و خۆپارێزی بەرانبەری، زانیاری ئاشكرا دەكرێت.
بەڕێوەبەرایەتی خۆپاراستنی تەندروستی سلێمانی لە راگەیەندراوێكدا بڵاویكردەوە:" هۆكاری تووشبوون بە هەستیاری بەرانبەر وەزری بەهار بۆ هەڵاڵەی گژوگیا، تۆز و خۆڵ و بۆن بەهەموو شێوازێك دەگەڕێتەوە".
نیشانەكانی تووشبوون بەم هەستیارییە:-
- سوروبوونەوە و خورانی چاو.
- پژمین و هەندێكجار كۆكە.
- خورانی قورگ و لووت و بەشی سەرەوەی ناو دەم.
- خوران و سوربوونەوە و لیر لە لەشدا.
- ئاو هات لە چاو و لووت.
هەنگاوەكانی خۆپارێزی:-
1. كەم بەكارهێنانی جێڵ و كرێم و زەیتی قژ: چونكە دەبێتە هۆی راكێشانی تۆز و دەنكۆڵەی تۆوەكان.
2. خۆشتن بە ئاوی گەرم: ئەمە دەبێتە هۆی رزگاركردنی ئەو كەسە لە هەڵامەت و كردنەوەی بۆریەكانی لوت.
3. چای نەعنا: بەهۆی بونی چەندین ماددەی دژە ئۆكسید ئەو جۆرەی چا لەش لە هەستیاری دەپارێزێت.
4. خواردنی خۆراكی تون: توێژینەوە پزیشكیەكان دەریانخستووە كە خواردنی خۆراكی تون و بیبەری تون، دەبێتە هۆی پاككردنەوەی بۆریەكانی لوت، ئەمەش هەستیاری ئەو ئەندامە كەمدەكاتەوە.