فتقی جێی برین چییە و باوترین هۆكارەكانی چیین؟!

تەندروستی پێش 2 هەفتە

لەلایەن: زامۆ بەکر

Alternate Text

پزیشكێكی پسپۆڕی نەشتەرگەری هەرس، جگەر و پەنكریاس لەبارەی فتقی جێی برین و هۆكارەكانی زانیاری دەخاتەڕوو. 

 بەرهەم محمد ساڵح، پزیشكی پسپۆڕی نەشتەرگەری هەرس، جگەر و پەنكریاس لە راگەیەندراوێكدا بڵاویكردەوە:" فتقی جێی برین بریتییە لە دەرپەرین و ئاوسانی بەشێك لە دیواری سك لە شوێنی برینی نەشتەرگەری پێشتر كە بۆ ناوسك ئەنجام دراوە".

دەگونجێت هیچ ئازاری نەبێت و تەنها ئاوساوی و شێوەی ناڕێك بێت

ئاماژەی بەوەشكردووە:" دەگونجێت هیچ ئازاری نەبێت و تەنها ئاوساوی و شێوەی ناڕێك بێت، یاخود ئازاری زۆرو ڕشانەوە و ڕیخۆڵە گیران كاتێك بەشێكی ریخۆڵە یان چەوری ناوسك لە ناو فتقەكە دەگیرێت".

گرنگترین ئەو هۆكارەكانی مەترسی توشبوون بە فتقی جێی برین زیاد دەكەن بریتیین لە:-

 - رەگەزی نێر.

- قەڵەوی و كێش زۆری.

- تەمەنی بەساڵاچوو.

- جگەرە كێشان.

- نەخۆشی شەكرە.

- نەخۆشانی شیرپەنجە و ئەوانەی چارەسەری كیمیاوی  و ستیرۆید  و چارەسەری تیشكی وەردەگرن.

- كەم خوێنی و بەدخۆراكی و پەككەوتنی سیەكان و جگەرو ئەوانەی زەرعی چگەرو گورچیلەیان بۆ ئەنجام دەدرێت، هەروەها هۆكاری كێشەكانی پڕۆستات و میز گیران.

- بوونی هەوكردنی برینی جێی نەشتەرگەری.

- نەشتەرگەری ناوسك بە حاڵەتی كتوپر ، یان چەند جارێك ئەنجامدانی نەشتەرگەری ناوسك بۆ مەبەستی جیاجیا.

ئه‌مانه‌ش ببینه

‌‌مەڵتیمیدیا