بابەتە سەرەکیەکە: یاریدەدەری سەرۆکی حکومەتی هەرێم رایگەیاند، بڕیاربوو سەرەتای ئەم هەفتەیە تەواوکاری مووچەی مانگی ئاب رەوانە بکرێت و بەڵام  تاوەکو ئێستا رەوانە نەکراوە.

لێدوانی فەرمی: رێباز حەملان یاریدەدەری سەرۆکی حکومەتی هەرێم رایگەیاند: بریاربوو سەرەتایی ئەم هەفتەیە بەغدا تەواوکاری مووچەی مانگی ئاب رەوانە بکات و تا ئێستا رەوانە نەکراوە و چاوەڕێین ئەمڕۆ بگات پاش گەیشتنی دەست بە دابەشکردنی مووچە بکرێت.

ئەمەش هەیە: ئاماژەی بەوەشکرد: بڕی تەواوکاری کە پێویستە بەغدا رەوانەی بکات 243 ملیار دینارە و تا بەغدا رەوانەی نەکات ناتوانرێت مووچە دابەشبکرێت.

زیاتر: ئەوەشی خستەڕوو: هەرێمی کوردستان ئێستا لە 50% داهاتی ناوخۆی دەنێرێت بۆ بەغدا، داهاتی نەوتی لەبەردەستدا نەماوە تاکوو قەرەبووی ئەو بڕە بکاتەوە کە نەنێردراوە.

چی دیکە: لیستی موچە هیچ مانگێک وەک مانگێکی دیکە نابێت،هەر مانگە لیستی مووچە بە جۆرێک دەبێت ئەوانەی بەغدا دەیانڵێت تەنها بیانوگرتنە بۆ دواخستنی مووچە.