بابەتە سەرەکیەکە: جێگری سەرۆکی لیژنەی دارایی پەرلەمانی عێراق رایگەیاند، لەم دوو رۆژەدا تەواوکاریی مووچەی مانگی هەشت دەگاتە هەرێم.

لێدوانی فەرمی: ئیخڵاس دلێمی، جێگری سەرۆکی لیژنەی دارایی پەرلەمانی عێراق رایگەیاند: لە ماوەی دوو رۆژی داهاتوودا، وەزارەتی دارایی فیدراڵ تەواوکاریی مووچەی مانگی هەشت دەخاتە سەر هەژماری وەزارەتی دارایی و ئابووریی حکوومەتی هەرێم.

ئەمەش هەیە: سەرەتای هەفتەی داهاتووش مووچەی مانگی نۆی فەرمانبەرانی هەرێم لەلایەن وەزارەتی دارایی فیدراڵییەوە خەرجدەکرێت.

زیاتر: مووچەی فەرمانبەران پارێزراوە و کێشە تەکنییەکانی نێوان هەردوو وەزارەتی دارایی عێراق و هەرێم بە شێوەیەکی بنەڕەتی چارەسەر کراون دڵنیایی دەدەین لە خەرجکردنی مووچە لە کاتی خۆیدا.