بابەتە سەرەکیەکە: بەڕێوەبەرایەتیی هاتوچۆی هەولێر رایگەیاند، بەهۆی لۆد و قەرەباڵغییەوە،  لە رۆژانی هەینیدا له‌ كاتژمێر 1:00ی پاشنیوه‌ڕۆ تا 8:00ی شه‌و هاتوچۆی ئۆتۆمبێل لە سەنتەری شاری هەولێر قەدەغه‌ ده‌كرێت.

راگەیەندراوی فەرمی: بەڕێوەبەرایەتیی هاتوچۆی هەولێر له‌ ڕاگه‌یه‌ندراوێكدا رایگەیاند،"له‌ ڕۆژانی هەینی ژمارەیەکی زۆر  هاوڵاتیان و گەشتیاران سەردانی سەنتەری شاری هەولێر بەتایبەتی بازاڕی شێخەڵا و پارکی نافورەی بەردەم قەڵا دەکەن، پیادە ڕۆ و ئۆتۆمبیل تێکەڵ بەیەک دەبن لەشەقامدا، کە ئەمەش بە بەردەوامی دەبێتە هۆی قەرەباڵغی شەقامەکە و دروست بونی جەنجاڵی و سیمایەکی ناشیرن بەشەقامەکانی ناو بازار دەدات".

ئاماژە بەوەشکراوە: بڕیاردراوه‌ هاتوچۆکردن لە سەنتەری شار تەنها بە پیادە بێت لە کاتژمێر 1:00 نیوەڕۆ تا 8:00 ئێوارە، دوای ئەوکاتەی دیاری کراوە هاتوچۆی ئۆتۆمبێل بۆ ناو سەنتەری شار ئاسایی دەبێتەوە.