بابەتە سەرەکیەکە: داواکارى گشتی سلێمانى، داوا لە بەڕێوەبەرایەتى رۆشنبیرى سلێمانى دەکات، دەزگاکانى راگەیاندن پابەند بکات بەوەى روماڵى روداوەکانى کوشتن نەکەن.

نوسراوی فەرمی: فەرمانگەی داواکاری گشتی سلێمانی نوسراوێکی ئاڕاستەی بەڕێوەبەرایەتى رۆشنبیرى سلێمانى کردوە و تێیدا هاتوە؛ ئاشکرایە زۆرێک لە کەناڵەکانی راگەیاندن لەکاتی روماڵکردنی هەواڵ و زانیاری سەبارەت بە هەر روداو و تاوانێک بەتایبەتی تاوانی کوشتن، لەکاتێکدا دادگاو لایەنە پەیوەندیدارەکان سەرقاڵی کۆکردنەوە و زانیاری و لێکۆڵینەوەن، کەچی بەبێ رەچاوکردنی ئیتیکی رۆژنامەوانی و پێچەوانەی یاسا و رێنماییە کارپێکراوەکانی هەرێمی کوردستان هەواڵی بەپەلە، زانیاری ناڕاست و بێ بنەما بڵاودەکەنەوە و لێکدانەوەی نایاسایی و نادروست بۆ روداوەکان دەکەن.

زیاتر: لەبەر ئەوە تکایە سەرجەم کەناڵەکانی راگەیاندن، پابەند بکرێن کە خۆیان بەدور بگرن لە روماڵکردنی ئەو جۆرە هەواڵانە و رەچاوی یاسا و رێنماییەکان بکەن، بە پێچەوانەوە فەرمانگەکەمان رێککاری یاسایی دژیان دەگرێتەبەر.

دەقی نوسراوەکەی داواکاری گشتی سلێمانی؛