بابەتە سەرەکیەکە: وەزارەتی دارایی و ئابوری رایگەیاند، تەمویلی موچەی مانگی ئازار خرایە سەر هەژماری بانکی وەزارەتی دارایی و سبەی پێنجشەممە، دەست بە دابەشکردنی موچە دەکرێت.

راگەیەندراوی فەرمی: وەزارەتی دارایی و ئابوری هەرێمی کوردستان رایگەیاند؛ کەمێک لەمەوبەر بڕی 954 ملیار و 880 ملیۆن و 467 هەزار و 779 دینار، وەک تەمویلی موچەی مانگی ئازاری موچەخۆران و فەرمانبەران و خانەنشینانی هەرێمی کوردستان، لەلایەن وەزارەتی دارایی حکومەتی فیدراڵەوە خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق.

زیاتر: وەزارەتی دارایی هەرێمی کوردستان ئاماژەی بەوەشکردوە، سبەینێ پێنجشەممە 27ـی 3ـی 2025، دەست بەدابەشکردنی موچەی مانگی ئازار دەکرێت.

چی تر؛ هەر لە راگەیەندراوەکەدا هاتوە؛

- ئەو موچەخۆرانەی لە ڕێی پرۆژەی هەژماری منەوە موچە وەردەگرن راستەوخۆ پارە دەخرێتە سەر هەژمارەکانیان و لەڕێگای کورتەنامەوە ئاگادار دەکرێنەوە.

-ئەو موچە خۆرانەی بەشێوەی کاش موچە وەردەگرن، دوای گواستنەوەی پارە بۆ بانکەکان لە کەمترین ماوەدا، راستەوخۆ دەست بەدابەشکردنی موچەکانیان دەکرێت.