نابێت سێکس و مەشروب قەدەغە بێت؛ لە وڵاتانی ئەوروپا چۆنە؟

بەگوێرەی هەواڵێکی میدیاکانی عێراق و کوردستان گوایە لە پارێزگایەکی عێراق ئایدز بە شێوەیەکی فراوان بڵاوبووەتەوە.

هەر وڵاتێک ئەگەر بیەوێت کۆمەڵگایەکی تەندروست و ئارامی هەبێت، نابێت حکومەتەکەی قەدەغەی هەموو شتێک بکات کە پەیوەستە بە حەز و خولیای تاک، چونکە بەنهێنی دەبێتە دیاریدە و کۆمەڵگا وێران دەکات، قەتیش کۆنترۆڵناکرێت.

بەڵکو هەموو ئەوانەی خواستی تاکن بە تایبەت سێکس و مەشروب و بابەتی دیکە، دەبێت بە یاسا رێکبخرێن و حکومەت خۆی سەرپەرشتی بکات، رێگری بکات لە تەشەنەکردن و بڵاوبوونەوەی نەخۆشی، قاچاغ و بازرگانیکردنی نایاسایی.

مەشروب کەمتر، بەڵام سێکس لە وەتەی مرۆڤ هەیە بوونیان هەیە، هەر بەدەوامیش دەبێت، مرۆڤ ناتوانێت دەستبەرداری سێکس بێت و مشروبیش شتێکی تایبەتە پەیوەندی بە باوەڕی تاکەکانەوە هەیە لە دیدی ئاین، تەندروستی و کولتور.

بۆیە پەرلەمانی عێراق و دادگاکانی، دەبوو لە بڕی قەدەغەکردنی رەها و سزادانان، پێویست بوو یاساکە بە جۆرێک بووایە، لەژێر چاودێری حکومەت بە کۆمەڵێك یاسا و رێنمایی.

لە وڵاتانی ئەورپا ئەمان قەدەغە نین، بەڵام نابێت خوار هەژدە ساڵ جگەرە و مەشروبی پێبفرۆشترێت.

لە وڵاتانی ئەورپا ئەوەندە جوان بە رێنمایی و یاسا رێکخراون، نازانیت لەم وڵاتانە نە قەدەغەیە نە یاساییە، چونکە حکومەت چاودێری دەکات.

بۆ نمونە لە هۆڵەندا ناتوانی لە شوێنی گشتی، لەناو خەڵک و سەرشەقام و پارکەکان مەشروب بخۆیتەوە، سزای توندی لەسەرە، بۆ سێکسیش بە یاسا رێکخراوە، کەس بۆی نییە لە شفرۆشی بکات لەناو ماڵ و شوێنی گشتی و گەرەک و کۆڵانەکان.

لە وڵاتی سویسڕا، لە سەعات هەشتی شەو تا هەشتی بەیانی فرۆشتنی مەشڕوب قەدەغەیە لە بازاڕی گشتی، تەنها لە باڕ و ریستۆرانتەکان هەیە واتا کەس ناتوانێت ۲٤ سەعات مەشروب بفرۆشێت.
بیرە کە بەربڵاوترین جۆری خواردنەوەیە، بە یاسا رێکخراوە بۆ هەموو تاکێک لە کۆمەڵگا.