لە هێرشێکی چەکدارانی داعشدا بەرپرسێکی سوپای عێراق و دوو ئەفسەر لە خۆرئاوای پارێزگای ئەنبار کوژران.
سوپای عێراق بڵاویکردووەتەوە لە هێرشێکی چەکدارانی داعشدا عەمید روکن عەبدولواحید محەمەد ئەللامی، ئامر لیوای فرقەی ٢٩ی سەربە سوپای عێراق و دوو ئەفسەر بە پلەی مولازمی یەک لە خۆرئاوای ئەنبار لەلایەن چەکدرانی داعشەوە کوژراون.
لە چەند مانگی رابردوودا هێرشەکانی داعش لە بەشێک لە ناوچەکانی عێراق زیادتر بوون و بە هاوکاری هێزە نێودەوڵەتییەکانیش ناوە ناوە هێرش دەکرێتە سەریان.