سه‌رچاوه‌یه‌كی ئه‌منی له‌ به‌غدا رایگه‌یاند، به‌ره‌به‌یانی ئه‌مڕۆ چوارشه‌ممه‌ موشه‌كێك ئاڕاسته‌ی ناوچه‌ی سه‌وز له‌  به‌غدا كراوه‌ و هیچ زیانێكی گیانی به‌ دواوه‌ نه‌بووه‌ و تا ئێستا سه‌رچاوه‌ی موشه‌كه‌كه‌ دیار نیه‌

سه‌رچاوه‌یه‌كی تایبه‌تی ئه‌منی رایگه‌یاند، له‌لایه‌ن سه‌رچاوه‌یه‌كی نادیاره‌وه‌ مو‌شه‌كێك له‌ جۆری كاتیۆشا ئاڕاسته‌ی ناوچه‌ی سه‌وزی نزیك باڵیۆزخانه‌ی ئه‌مریكا كراوه‌  ، به‌ڵام موشه‌كه‌كه‌ هیچ زیانێكی گیانی نه‌بووه‌
ئاماژەی بەوەشکردوە، باڵیۆزخانه‌ی ئه‌مریكا له‌ به‌غدا زه‌نگی ئاگاداركردنه‌وه‌ی مه‌ترسی هاویشتنی موشه‌كی لێداوه‌، هێزه‌ ئه‌منیه‌كانیش گه‌یشتونه‌ته‌ شوێنی كه‌وتنه‌خواره‌وه‌ی موشه‌كه‌كه‌ و لێكۆڵینه‌وه‌یان ده‌ستپێكردوه‌ ،  به‌ڵام دۆخی ئه‌منی ناوچه‌ی سه‌وز به‌وهۆیه‌وه‌ تێكچووه‌

پێشتریش چه‌ندجارێك له‌رێگه‌ی سه‌رچاوه‌ی نادیاره‌وه‌، موشه‌ك ئاراسته‌ی ناوچه‌ جیاوازه‌كانی به‌غدا و بنكه‌ سه‌ربازیه‌كانی ئه‌مریكا كراوه‌.