Alternate Text

زۆرترین بینراو

Alternate Text

حکومەتی هەرێم بڕیارێکی لە بەرژەوەندی هاوڵاتیان دەرکرد

کوردستان

بینراو 1570

پێش 4 هەفتە

Alternate Text

حکومەتی هەرێمی کوردستان بڕیاریدا، بەرێژەی١٥٪ لە قەرزی پێشینە (غەرامە)ی قەرزی نیشتەجێبوون کە لەئەستۆی هاوڵاتیانە خۆش بێت بەمەرجێک قەرزە کەڵەکەبووەکان بەیەک گوژمە تا (١ی ١١ی ٢٠٢٠) بدرێنەوە.

بەگوێرەی نوسراوێکی حکومەتی هەرێم کە واژۆی ئومێد سەباح سەرۆکی دیوانی ئەنجومەنی وەزیرانی لەسەرە و ئاراستەی وەزارەتی دارایی و ئابوری کراوە تێیدا هاتووە، پاڵپشت بە بڕیاری ئەنجومەنی وەزیران ژمارە ٥٠ی رۆژی ٥ی ٥ی ٢٠٢٠، لەبەر بەرژەوەندی گشتی رەزامەندی درا لەسەر لێخۆشبون بەرێژەی ١٥٪ لە قەرزی پێشینە (غەرامە)ی قەرزی نیشتەجێبون کە لەئەستۆی هاوڵاتیانە.

هەر بەگوێرەی نوسراوەکە، لێخۆشبونەکە بەو مەرجەیە کە هەمو قەرزە کەڵەکەبووەکان بەیەک گوژمە تاوەکو (١ی ١١ی ٢٠٢٠) بگەڕێندرێنەوە بۆ حکومەت.

ئاماژە بەوەشکراوە، ئەنجومەنی وەزیرانی هەرێم رەزامەندی لەسەر درێژکردنەوەی ماوەی سەرجەم قەرزەکانی نیشتەجێبون تاوەکو(١ی ١١ی ٢٠٢٠) دەربڕیوە.

Copyright 2019 BMC TV. All right reserved

Designed and Developed by AVESTA GROUP