دوای ئەو کارەساتە سروشتییەی سودانی گرتەوە، حکومەتی عێراق هاوکاری دەگەیەنێتە ئەو وڵاتە.
نوسینگەی مستەفا کازمی سەرۆک وەزیرانی عێراق بڵاویکردووەتەوە، بڕیاردراوە پردی پەیوەندی نێوان هەردوو وڵاتی عێراق و سودان بکرێتەوە بە مەبەستی گەیاندنی هاوکاری مرۆیی بەو وڵاتە.
عێراق لە رێگەی ناردنی چەندین تۆن خواردن و پێداویستی پزیشکی و چادر و چەندین پێداویستی دیکە هاوکاریی سودان دەکات.
ماوەی چەند هەفتەیەکە سودان رووبەڕوی کارەساتێکی سروشتی گەورە بۆتەوە و بەهۆیەوە هەزاران کەس بێ ماڵ و حاڵ بوون.