درەنگانی شەوی رابردوو، خێزانێکی کوردی شاری بەغداد، لەلایەن چەند چەکدارێکی نەناسراوەوە سەربڕدران.
میدیا عێراقییەکان بڵاویانکردووەتەوە، شەوی رابردوو خێزانێکی کورد، دانیشتووی ناوچەی مەنسورییەی بەغداد، چەند چەکدارێکی نەناسراوە هەڵیانکوتاوەتە سەر ماڵەکەیان و هەر سێ ئەندامی خێزانەکەیان سەربڕیوە.
ئاشکراشیان کردووە، کچی خێزانەکە ناوی شیلان دارایە و پزیشکی دەرمانسازبووە لە شاری پزیشکی بەغداد.
باسیان لەوەشکردووە، رووداوەکە تیرۆرستی نییە، بەڵکو چەکدارەکان بە مەبەستی دزیکردن ئەو تاوانەیان ئەنجامداوە.