بەهۆی توشبووی بەشێک لە کارمەندەکانی بە ڤایرۆسی کۆرۆنا دەوامی بەڕێوبەرایەتی رەگەزنامە و باری شارستانی سلێمانی رادەگیرێت.

بەڕێوبەرایەتی رەگەزنامە و باری شارستانی سلێمانی بڵاویکردووەتەوە،  لە بەرپابەندبوون بە رێنمایەکانی تەندروستی و توشبوونی ھەندێک کارمەندیان بە ڤایرۆسی کۆرۆنا لە سەر بریاڕی بەرێوەبەری رەگەزنامەی سلێمانی بریار درا بە راگرتنی ئیش و کارەکانی ناو بەرێوەبەرایەتی بۆ سبەی پێنجشەممە ١٧ی ئەیلولی ٢٠٢٠.

روونیشیکردووەتەوە، سبەی کاری پاکژکردنەوەی ناو فەرمانگەکە ئەنجام دەدرێت بۆیە دەوامیان نابێت.