وەزارەتی تەندروستی عێراق ئاماری ٢٤کاتژمێری رابردووی بڵاوکردەوە و
بەپێی ئامارەکان لەو ماوەیەدا زیاتر لە چوار هەزار هاوڵاتی لە ڤایرۆسەکە چاکبوونەتەوە.
ئەمڕۆ دووشەممە وەزارەتی تەندروستی عێراق بڵاویکردووەتەوە، لەماوەی ٢٤
کاتژمێری رابردوودا سێ هەزار و ٨٢١ حاڵەتی نوێی تووشبوون بە ڤایرۆسی کۆرۆنا لە
سەرتاسەری عێراق تۆمارکراوە .
ئەوەش خراوەتەڕوو، لە کۆی
گشتی توشبووانی ڤایرۆسەکە چوار هەزار و ٤٨٤ کەسیش چاکبوونەتەوە، ٧٠ کەسیش گیانیان لە دەستداوە
بەپێی دوایین ئامارەکان، تا ئێستا لە کۆی گشتی تووشبووانی ئەم ڤایرۆسە
٢٥٨ هەزار و ٧٥ کەس چاکبوونەتەوە و هەشت
هەزار و ٦٢٥ کەسیش گیانیان لە دەستداوە.