Alternate Text

زۆرترین بینراو

Alternate Text

بۆ راگرتنى شەڕى نێوانیان ئەرمینیا و ئازەربایجان لە مۆسکۆ کۆدەبنەوە

جیهان

پێش 3 هەفتە

Alternate Text

بڕیارە ئەمڕۆ هەینى نوێنەرانى هەردوو وڵاتى ئەرمینیا و ئازەربایجان لە بارەى راگرتنى شەڕى نێوانیان لە مۆسکۆى پایتەختى روسیا کۆببنەوە.

ماریا زاخاروفا وتەبێژى وەزارەتى دەرەوەى روسیا رایگەیاند، بڕیارە ئەمڕۆ هەینى ٩ى تشرینى یەکەم وەزیرانى دەرەوەى ئەرمینیا و ئازەر بایجان لەبارەى هێورکردنەوەى جەنگى نێوان ئەو دوو وڵاتە و کۆتایى پێهێنان بە ئاڵۆزییەکانیان، لە مۆسکۆى پایتەختى روسیا لەسەر مێزى گفتوگۆ دابنیشن و بەرپرسانى روسیاش لە دانیشتنەکەدا ڕۆڵى نێوەندگیرى دەبینن.

زاخاروفا راشیگەیاندووە، دواى بەرزبوونەوەى رێژەى زەرەروزیانەکانى جەنگى نێوان ئەرمینیا و ئازەربایجان، لە ئێستادا هەردوو وڵات ئارەزوى راگرتنى جەنگەکە و هێورکردنەوەى ڕەوشەکەیان هەیە و ئامادەبوونیشیان لەسەر مێزى گفتوگۆ لە مۆسکۆ ئاماژەیەکە بۆ راگرتنى گرژییەکانى نێوان ئەو دوو وڵاتە.

دانیشتنى نوێنەرانى ئەرمینیا و ئازەربایجان دواى ئەوە دێت، دوێنێ پێنجەشەممە فلادیمێرپوتین ى سەرۆکى روسیا داواى لە بەرپرسانى ئەرمینیا و ئازەربایجان کرد کۆتایى بەو جەنگەى نێوانیان بهێنن و هەوڵى چارەسەرکردنى کێشەکان لە ڕێگەى دیالۆگەوە بدەن، پوتین ئامادەیى وڵاتەکەشى بۆ نێوەندگیرى لە نیوان ئەو دوو وڵاتەدا دەربڕی.

Copyright 2019 BMC TV. All right reserved

Designed and Developed by AVESTA GROUP