کۆبوونەوەی فەرماندەیی ئۆپراسیۆنە هاوبەشەکانی عێراق و
شاندی پێشمەرگەی هەرێـم کۆتایی هات و لەسەر چەند خاڵێک رێکەوتن.
ئەمڕۆ سێشەممە ١٣ ی تشرینی یەکەم، شاندێکی وەزارەتی پێشمەرگە گەیشتنە شاری بەغداد و لە کۆبوونەوەیەکدا لەگەڵ فەرماندەیی ئۆپراسیۆنە هاوبەشەکان، هەردوو لا لەسەر چەند
خاڵێك رێککەوتن.
بە پێی ئەو زانیاریانەی لە کۆبوونەوەکە بڵاوکراوەتەوە، هەردوولا لەسەر کردنەوەی سەنتەرێکی هاوبەشی ئەمنی رێککەوتون کە لە هەولێر و بەغداد دەبێت.
هاوکات خاڵێکی دیکەی کۆبونەوەکە رێککەوتن بووە لەسەر پێکهێنانی
لیژنەیەکی سەربازی ئەمنی بۆ روبەڕووبونەوە و هەڵسەنگاندنی هەڕەشە ئەمنیەکان.
لە خاڵی سێیەم و کۆتا خاڵدا، فەرماندەیی ئۆپەراسیۆنە هاوبەشەکان و
شاندەکەی پێشمەرگەی هەرێم رێکەوتوون لەسەر دەستپێکردنی چەند رێککارێکی هاوبەش بۆ
دامەزراندنی سەنتەرێکی هاوبەش لە دیالە بۆ روبەڕووبونەوەی تیرۆر و مەترسیەکانی
ناوچەکە.