وەزارەتى گواستنەوەى
عێراق رایگەیاند، ٧٣ ئاوارەى عێراقى کە لە خێوەتگەکانى ئەستەنبوڵ و قرم بوون لەسەر
ئەرکى حکومەت گەڕێنراونەتەوە بۆ شارەکانى عێراق.
ئەمڕۆ هەینى ١٦ى تشرینى
یەکەم، لەبەیاننامەیەکدا وەزارەتى گواستنەوە و گەیاندنى عێراق رایگەیاند، لەسەر
ئەرکى حکومەت و بەمەبەستى گەیاندنەوەى ئاوارە عێراقییەکانى تورکیا، ژمارەیەک پاس
نێردراون بۆ ئەو وڵاتە و ئەمڕۆش ٧٣ ئاوارەى عێراقى کە لە خێوەتگەى ئەستەنبوڵ بوون
گەیەنرانەوە خاکى عێراق.
ئاماژە بەوەشکراوە،
حکومەت لە رێگەى پلانێکى هاوبەشى وەزارەتەکانى کۆچ و گواستنەوەوە پلانى هێنانەوەى
سەرجەم ئاوارە عێراقییەکانى هەیە، بەتایبەت ئەو ئاوارانەى لە تورکیا، سوریا و
لوبنان و وڵاتانى دیکەى ناوچەکە نیشتەجی بوون و خوازیارى گەڕانەوەن بۆ عێراق.