بانکى رەشید لە
نوێترین بڕیاریدا رایگەیاند، ئەو کەسانەى بێکارن بڕى ٢٠ ملیۆن دینار قەرزیان
پێدەدرێت و بڕیارەکەش هەردوو رەگەز دەگرێتەوە.
ئەمڕۆ شەممە ٢٤ى
تشرینى یەکەم، نوسینگەى راگەیاندنى بانکى رەشید بەیاننامەیەکى بڵاوکردەوە و تیایدا
رایگەیاندووە، بەمەبەستى پەرەپێدانى پرۆژە و بازرگانى بچوک، بانکەکە بە بڕى ٢٠
ملیۆن دینار وەک قەرز هاوکارى کەسانى
بێکار دەکات و هەردوو رەگەزەکەش دەتوانن لە وەرگرتنى ئەو قەرزە سودمەندبن.
لە بارەى وردەکارى و
مەرجى پێدانى قەرزەکەش بانکى رەشید ئاشکرایکردووە، ئەو کەسانەى خوازیارن لەو
بڕیارە سودمەندبن، پێویستە فەرمانبەرێکى حکومى کەفالەتییان بکات و شوێنێکى گونجاو
بۆ پرۆژەکەیان بەکرێ بگرن پاشان سەردانى بانکى رەشید لە بەغدا یاخود لقەکانى ئەو
بانکە لە پارێزگاکان بکەن.
ئەوەش لە کاتێکدایە،
بانکى رەشید ساڵانە چەندین جۆر پێشینە و قەرز بە چین و توێژە جیاجیاکان دەدات و لە
دیارترینیان بڕیارى پێدانى ١٠ ملیۆن دینار بوو بۆ هاوسەرگیرى دووەم کە لە چەند رۆژى رابردوودا لەلایەن بانکى
رەشیدەوە راگەیەنرا.