شارەوانی هەولێر رایگەیاند، ١٥ هەزار کارتی دیکە تاپۆ دەکرێن و مامەڵەکانیان رەوانەی تێبینەرایەتی تۆمارگەی عەنکاوە و تۆمارگەی هەولێر کراوە بۆ ئەوەی رێکارە یاساییەکان بە زووی تەواو بکرێت.

راگەیاندی وەزارەتی شارەوانی و گەشتوگوزار بڵاویکردووەتەوە، لە سنووری شاری هەولێر، ١٥ هەزار کارتی دیکە تاپۆ دەکرێن و بەشیک لەو کارتانەش مامەڵەکانی تەواو بووە.

هەر لە راگەیاندنەکەدا هاتووە، کارتەکان لە سنوری گردەڕەشە ، پیرزین-کەرک٢ و کەرتی بیریات، تاپۆ دەکرێن و مامەڵەکانیان نێردراوە بۆ تیبینەرایەتی تۆمارگەی عەنکاوە و بەڕێوەبەرایەتی تۆمارگەی هەولێر بەمەبستی تەواوکردنی رێککارە یاسییەکان.

ئاماژەبۆئەوەشکراوە، لەو ١٥ هەزار کارتە، پێنج هەزاریان لە سنوری ناوچەی پیرزین-کەرک٢ن رێکارە یاساییەکانیان لە شارەوانی هەولێر تەواوبووە و رەوانەی تێبینەرایەتی عەنکاوە کراون بۆ بە کۆتاهاتنی مامەڵەکان.
لە ماوەی رابردوودا شەش هەزار کارتی دیکە لە پارێزگای هەولێر لە سنوری کەرتی باغمرە شەهاب تۆمارکراون.