نوسینگەی راگەیاندنی هێزە ئەمنییەکانی عێراق بڵاویکردەوە، لە سامەرا، سەر بە پارێزگای سەڵاحەدین، شانەیەکی ڕێکخراوی داعش دۆزراوەتەوە
کە تێیدا هاوەن و موشەک هەبووە،
بە گوێرەی راگەیاندنەکە بە هاماهەنگی لەنێوان هێزە
ئەمنییەکانی عێراق و حەشدی شەعبی و لیوای ناوچەکە، لە کاتی گەڕان بەشوێن
گومانلێکراوان و لە ناوچەی تەل زەهەب لە نزیک سامەرا، هێزەکان توانیویانە
شانەیەکی داعش بدۆزنەوە کە ژمارەیەک چەکی
مەترسیداری تێدابووە.
لە ئۆپەراسیۆنەکەدا، هێزەکان توانیویانە دەستبگرن بەسەر ٢٣ هاوەنی قەبارە
٦٠ ملیم و سێ موشەک لە جۆری SBG9 و دوو رومانی گەرمی و پاکێجێکی تەقەمەنی C4،
کە دواتر لەلایەن هێزەکانەوە بە مەبەست تەقێندراوەتەوە.