Alternate Text

زۆرترین بینراو

Alternate Text

ژمارەیەک خوێندکاری دیکە لە زانکۆ و پەیمانگاکانی هەرێم وەردەگیرێن

کوردستان

پێش 3 هەفتە

Alternate Text

لیژنەی پەروەردەیی پەرلەمانی کوردستان رایگەیاند،  وا بڕیارە ژمارەیەک دەرچووی دیکەی پۆلی ١٢ ئامادەیی  لە زانکۆ و پەیمانگەکان وەربگیرێن.

  گوڵستان باقی ئەندامی لیژنەی پەروەردە لە پەرلەمانی کوردستان ئەمڕۆ یەکشەممە بە ماڵپەڕی پارتی راگەیاندووە، لەسەرتاسەری هەرێم ئەمساڵ ٥٦ هەزار خوێندکاری دەرچووی پۆلی ١٢ ئامادەیی لە زانکۆ و پەیمانگاکان وەرگیراون، بەڵام هێشتا زیاتر لە ٧ هەزار خوێندکاری دەرچوو هەن کە کۆنمرەی ٩٠ یان بەدەست هێناوە و لە هیچ زانکۆ و پەیمانگایەک وەرنەگیراون.

 ئەو پەرلەمانتارە ئاماژەی بەوەشداوە، بڕیارە سبەینێ، لیژنەی پەروەردەی پەرلەمان و وەزارەتی خوێندنی باڵا لەسەر شێوازی وەرگرتنی خوێندکاران کۆببنەوە.

ئەوەشی خستەڕوو، کێشەی سەرەکی خوێندکاران  وەرگرتنی خوێندکارانە بە سستمی پارالێڵ، چونکە رێژەیەکی زۆری خوێندکاران بە پارە و بە سستمی پارالێل وەرگیراون و ئەمەش بووەتە جێگەی نیگەرانی  خوێندکاران.

ئەمە لەکاتێکدایە، لە کۆی ٥٤ هەزار و ٢٩٦ داوای وەرگیران لە زانکۆ و پەیمانگەکان، ئەمساڵ ٤٧ هەزار و ١٧٨ خوێندکار وەرگیراون کە دەکاتە ٨٧%ی ئەو کەسانەی داوایان پێشکەشکردووە.  


Copyright 2019 BMC TV. All right reserved

Designed and Developed by AVESTA GROUP