ئەندامێکى
مەکتەبی سیاسی یەکێـتی ڕایگەیاند، بە هەوڵی هاوسەرۆكانی یەكێتی نیشتمانی كوردستان
لە رۆژانی داهاتوودا كێشەی خوێندكارانی بەشە ناوخۆییەكانی هەردوو زانكۆی سلێمانی و
پۆلیتەكنیكی سلێمانی چارەسەر دەكرێت.
د.میران محەمەد ئەندامی مەكتەبی سیاسی یەكێتی لەسەر
راسپاردەی هاوسەرۆكانی یەكێتی لەگەڵ سەرۆكی هەردوو زانكۆی سلێمانی و پۆلیتەكنیكی
سلێمانی و لێپسراوانی كۆمەڵەی خوێندكارانی كوردستان كۆبووەوە.
ئەوەش
خراوەتەڕوو، پاش تاوتوێكردنی مەترسییەكانی ڤایرۆسی كۆرۆنا و گرفتی مانەوەی خوێندكاران،
بڕیاردرا بەپێی مەرج و رێنماییەكان و وەك قۆناغی یەكەم خوێندكارانی كۆلێژە پراكتیكییەكان
لە بەشە ناوخۆییەكاندا بمێننەوە.
ئاماژە
بەوەشکراوە، لەسەر ئەركی یەكێتی نیشتمانی كوردستانیش بڕێك پارە وەك هاوكاری بۆ
كردنەوەی بەشە ناوخۆییەكان و چارەسەركردنی گرفتەكانیان دابین بكرێت.
ئەمەش لە کاتێکدایە بەهۆی نەبوونى پێداویستى بۆ
بەشەناوخۆییەکان ئەمساڵ خوێندکاران تا ئێستا نەیانتوانیوە لە زانکۆکان دەوام بکەن.