Alternate Text

زۆرترین بینراو

Alternate Text

قەیوان نوێترین زانیاری لە سەر پرۆژەى سەد مەتری سلێمانی دەخاتەڕوو

کوردستان

پێش 2 هەفتە

Alternate Text

گروپی کۆمپانیاکانی قەیوان ڕایگەیاند، کارکردن لە شەقامی سەد مەتری بەردەوامە و کاری بەشێکی زۆری ئاوبارەکان کۆتایی پێهاتووە ‏ و  پردەگەورەکانی سەر ڕێگاکەش دەستیان پێکراوە .

گروپی کۆمپانیاکانی قەیوان ڕایگەیاند، بەپشت بەستن بەئەزموونی بەردەوامی خۆی لە بواری ئاوەدانیدا؛ بەشێوەیەكی خێرا و بەكوالێتییەكی بەرزی بواری جێبەجێكردنی ڕێگەوبانی مۆدێرن و سەردەمیانە بەردەوامە لە جێبەجێکردنی شەقامی١٠٠مەتری سلێمانی.

ئەوەشیان خستووەتەروو،  لەم وەرزەدا کە کەشوهەوا زۆرکات رێگرە لە کارکردن لە پڕۆژەکانی رێگەوبان بەگشتی؛ بەڵام تیمە ئەندازیارییەکانی سەر بە قەیوان گروپ، بەپلانێکی گونجاو ، کار لە تەواوی درێژی ٣٢ کم پڕۆژەکە دەکەن و لە ئێستادا کاری دروستکردنی پردی چەمی تانجەرۆ چۆتە بواری جێبەجێکردن و کار لە بناغەی پردەکە دەکرێت کە پردێکی مۆدێرن و سەردەمیانەیە و درێژییەکەی ٤٠٠ مەترە و بەتەواوبوونی گرفتی هاتوچۆ لە تانجەرۆ کۆتایی پێدێنێت و روویەکی جان بەناوچەکەش دەبەخشێت.

ئاماژە بەوەشکراوە ، هەر لەچوارچێوەی کارەکانی جێبەجێکردنی شەقامەکە، کاری بەشێکی ئاوبارەکان کۆتایی پێهاتووە و کاری کۆنکرێتکردن و شیش بەستن لە قەنتەرەکانی تر بەردەوامە؛ کاری  بڕین و   پڕکردنەوە و دروستکردنی ئەندەرباصەکان لە ٣٢ کم درێژی رێگەکە بە بەردەوامە.

جێگەی باسە شەقامی ١٠٠مەتری سلێمانی- ئۆتۆبانی بابان، یەکێکە لە پڕۆژە خزمەتگوزارییەکان؛ کەلەلایەن گروپی کۆمپانیاکانی قەیوان قۆناغی یەکەمی جێبەجێدەکرێت؛  بەتەواو بوونی ئەم پڕۆژە ستراتیژییە شاری سلێمانی دەچێتە قۆناغێکی تری گەشەی ئابوری و ئاوەدانییەو؛ کۆتای بەگرفتی هاتووچۆ لەشاری سلێمانی دێنێت.

Copyright 2019 BMC TV. All right reserved

Designed and Developed by AVESTA GROUP