بەیانی ئەمڕۆ مستەفا کازمی داوای کرد پرۆژە یاسای بودجەی ٢٠٢١ رەوانەی ئەمیندارێتی ئەنجومەنی وەزیران بکرێت بە مەبەستی پێداچوونەوە.
ئەمڕۆ دووشەممە، مستەفا کازمی سەرۆک وەزیرانی عێراق، بە نوسراوێک داوای کرد پرۆژە یاسای بودجەی ٢٠٢١ بەپەلە بگەیەندرێتە ئەمیندارێتی ئەنجومەنی وەزیران بە مەبەستی پێداچوونەوە و وردبینیکردنی.
ئەمە لە کاتێکدایە پێشتر لیژنەی دارایی پەرلەمانی عێراق هۆشداری لە دواکەوتنی ناردنی پرۆژە یاساکەدابوو بۆ پەرلەمان و ئاشکرایان کردبوو گەر پرۆژەکە دوابکەوێت، موچەی مانگی یەکی فەرمانبەران چەند هەفتەیەک دوادەکەوێت.