شاره‌وانی هه‌ولێر داوای كردووه سه‌وزه و میوه فرۆشه‌كانی سه‌ر شۆسته‌كانی شار مانگانه 500 هه‌زار دینار بده‌نه حكومه‌ت.
نه‌به‌ز عه‌بدولحەمید، قائیمقائی قه‌زای ناوه‌ندی هه‌ولێر ڕایگه‌یاندووه، ئه‌و پلانه ته‌نها سه‌وزه و میوه‌فرۆشه‌كان به‌ته‌نها ناگرێته‌وه به‌ڵك و زۆرشتی دیكه ده‌گرێته‌وه و شێوازی پاره وه‌رگرتنه‌كه‌ش هه‌مووی به‌پێی ڕێنمایی ده‌بێت.
قائیمقامی هه‌ولێر باسی له‌وه‌ش كردووه، ئه‌و داواكاریانه ته‌نها پلانی شاره‌وانین بۆ ڕێكخستنه‌وه‌ی شار و پێویسته سه‌ره‌تا له‌لایه‌ن ئه‌نجوومه‌نی وه‌زیرانه‌وه په‌سه‌ند بكرێت دواتر ده‌چێته بواری جێبه‌جێكردنه‌وه.