سەبارەت بە پڕۆژە یاسای بودجەی ساڵی ٢٠٢١
جێگری سەرۆکی لیژنەی دارایی لە پەرلەمانی کوردستان رایگەیاند، ١٥ ی ئەم مانگە پڕۆژە یاسای بودجە
ئامادە دەبێت و رەوانەی ئەنجومەنی وەزیران دەکرێت بۆ ئەوەی پەسەند بکرێت و دواتر
دەنێردرێتە پەرلەمانی کوردستان.
ئەمڕۆ چوارشەممە ١٠ی شوبات، هێڤیدار ئەحمەد، جێگری سەرۆکی لیژنەی دارایی لە پەرلەمانی کوردستان راشیگەیاند:" كۆبوونەوەكان لەبارەی
پڕۆژە یاسای بودجەی ٢٠٢١ ی ھەرێمی كوردستان لەگەڵ وەزارەتەکان تەواو بووە و لە بودجەدا ئەولەویەت دراوە بە مووچەخۆران".
سەبارەت بەجووڵەی بازرگانیش لە هەرێمی
کوردستان جێگری سەرۆکی لیژنەی دارایی لە پەرلەمانی کوردستان ئاشکرایکرد:" گرنگی
زیاتر بە بووژانەوەی بازرگانی لە هەرێمی کوردستان دەدرێت و ئەوەش لەناو بودجەی
ساڵی ٢٠٢١ رەنگدەداتەوە".