بافڵ تاڵەبانی رایگەیاند، کێشە
سیاسییە کەڵەکەبووەکانی نێوان ھەرێم و بەغدا کاریگەری راستەوخۆی لەسەر ژیانی خەڵک
دروستکردووە و ئەوان قوربانی یەکەمن و دەبێت چارەسەری کێشەکان لەسەر بنەمای
دەستوور و بەرژەوەندی گشتی بێت.
ئەمڕۆ چوارشەممە، ١٠ی
شوباتی ٢٠٢١، باڤڵ تاڵەبانی، هاوسەرۆکی یەکێتی نیشتیمانی کوردستان لەپەراوێزی
کۆبوونەوەیەکی لەگەڵ لارس رۆناس، باڵیۆزی سوید لە عێراق رایگەیاند:" دەبێت
متمانە بۆ لایەنەکانی ھەرێم و عێراق بگەڕێندرێتەوە و ھەمووان لەخەمی بەرژەوەندی
گشتییدا کاربکەین و ژیان و گوزەرانی ھاوڵاتیان باشتر بکەین".
هاوسەرۆکی یەکێتی جەختی لە پەنابردن بۆ زمانی دیالۆگ و
لێکتێگەیشتن کردەوە، بەشێوەیەک کە بەرژەوەندییە باڵاکان پارێزراوبن.
ناوبراو ئاماژەی بەوەشکرد" لە کۆبوونەوەکەدا گفتوگۆ لەبارەی دوایین پەرەسەندنە سیاسی، ئابووری و ئەمنییەکان کرا و بۆچوونیان لەبارەوە ئاڵوگۆڕکرا ".
لە کۆبوونەوەکەی بافڵ تاڵەبانی،
هاوسەرۆکی یەكێتی لەگەڵ پاڵیۆزی سوید لە عێراق کە لە سلێمانی بەڕێوەچوو، هەریەکە شاڵاو
عەلی عەسکەری، لێپرسراوی مەکتەبی رێکخستن و دکتۆر سۆران جەمال تاهیر، لێپرسراوی
مەکتەبی پەیوەندییەکان ئامادەبوون.