لە ئەنجامی رەشەبا بەهێزەکەی چەند رۆژی رابردووی سلێمانی زیاتر لە ٢٩٠ فیدەری کارەبا کەوتوون و تا ئێستا ١٥٠ فیدەریان
چاککراون.
ئەمڕۆ پێنجشەممە، ١٨ی شوباتی ٢٠٢١، سیروان محەمەد، وتەبێژی کارەبای سلێمانی
بە BMC راگەیاند:"بەهۆی رەشەبا بەهێزەکەی چەند رۆژی رابردووی شاری سلێمانی
و دەورەبەری زیاتر لە ٢٩٠ فیدەری کارەبای سلێمانی کەوتوون و کارەبای نیشتیمانی بەشێک لەگەڕەکەکان نەماوە، هەر فیدەرێکیش
کارەبای نزیکەی ٥٠٠ ماڵی لەسەرە و لەماوەی چەند رۆژی داهاتوودا بەتەواوی ئەو
گرفتانە چارەسەر دەکرێن".
ناوبراو راشیگەیاند:"ئەو رەشەبایە زیانێکی زۆری ماددی بە
بەڕێوەبەرایەتی کارەبای سلێمانی گەیاندووە و پاش تەواوبوونی کارەکانی چاککردنەوە تیمەکانمان
راپۆرتی خۆیان لەبارەی زیانەکان دەخەنەڕوو".
ئاماژەی بەوەشکرد:"لە ئێستادا لە پێشینیەی کارەکانمان چارەسەرکردنی
تەواوی ئەو گرفتانەیە کە لەکارەبای بەشێک لە گەڕەکەکانی سلێمانی دروستبوونە".