جێگری سەرۆکی حکومەتی هەرێمی کوردستان رایگەیاندووە،
پرسی زیندانی کراوانی بادینان پرسێکی یاساییە و داواکارن دادگای تەمیز بڕیارێکی
دروست لەبارەیانەوە بدات.
ئەمڕۆ هەینی ١٩ی شوبات، قوباد تاڵەبانی،
جێگری سەرۆکی حکومەتی هەرێمی کوردستان رایگەیاندووە:' بابەتی زیندانیکراوانی
بادینان پرسێکی یاساییە و داواکارم دادگای تەمیز بڕیارێکی دروست لەبارەیانەوە بدات
و سەروەری یاسا و دیموکراسی پارێزراو بێت".
ناوبراو باسیلەوەشکردووە:" گومانێکی زۆر
لای هاوڵاتییان لەو بارەیەوە دروستبووە و ئەوەش دەبێتە هۆی لەکەدارکردنی ناو و
ناوبانگی هەرێمی کوردستان".
ئەمەش لەدوای ئەوەدێت، ١٦ی ئەم مانگە دادگای
هەولێر سزای شەش ساڵ زیندانی بەسەر پێنج راگیراوی بادیناندا بە تۆمەتی پلاندانان
بۆ تێکدانی سەقامگیری هەرێم سەپاند.