Alternate Text

زۆرترین بینراو

Alternate Text

دوای لابردنی پاشگری ئیسلامی لە ناوی حزبەکەدا، بەرپرسێکی کۆمەڵ دەستیلەکارکێشایەوە

کوردستان

پێش 2 هەفتە

Alternate Text

دوای ئەوەی لە کۆنگرەی چوارەمی کۆمەڵدا بڕیاردرا بە گۆڕینی ناوی حزبەکە، بەرپرسی ئەنجومەنی کۆمەڵ لە کفری دەستیلەکارکێشایەوە.

ئێوارەی ئەمڕۆ هەینی ١٩ی شوباتی ٢٠٢١، ئەبو جیهاد، بەرپرسی ئەنجومەنی کۆمەڵ لە کفری دەستلەکارکێشانەوەی خۆی راگەیاند.

ناوبراو هۆکاری دەستلەکارکێشانەکەی گەڕاندەوە بۆ ئەوەی لە کۆنگرەی چوارەمی کۆمەڵدا بڕیاردرا ناوی حزبەکە لە کۆمەڵی ئیسلامی کوردستان-ەوە بگۆڕدرێت بۆ کۆمەڵی دادگەری کوردستان. کە ئەمەش جێی رەزامەندی بەرپرسەکە نەبووە.

ئەمە لە کاتێکدایە ماوەی دوو رۆژە کۆنگرەی چوارەمی کۆمەڵ بەڕێوەدەچێت و چەند گۆڕانکارییەک لە ناوی سەرکردایەتی و ئەنجومەن و ناوی حزبەکەدا کرا، کە ئەویش ناوی ئەمیری کەسی یەکەمی حزبەکە گۆڕدرا بۆ سەرۆک و ناوی ئەنجومەنی سیاسی گۆردرا بۆ ئەنجومەنی باڵا و ئەمڕۆش ناوی حزبەکە گۆڕدرا بۆ کۆمەڵی دادگەری کوردستان، واتە پاشگری ئیسلامی لە ناوی حزبەکەدا لابردرا.

Copyright 2019 BMC TV. All right reserved

Designed and Developed by AVESTA GROUP