وەزیری تەندروستی هەرێم ئاشکرای دەکات زۆربەی ئەو حاڵەتانەی ئێستا تۆماردەکرێن زنجیرەی نوێی ڤایرۆسی کۆرۆنان و بازدان بەسەر ڤایرۆسەکەدا هاتووە.

ئەمڕۆ سێشەممە، ٢٣ی شوباتی ٢٠٢١، سامان بەرزنجی، وەزیری تەندروستی هەرێم رایگەیاند:"زۆربەی ئەو حاڵەتانەی ئێستای کۆرۆنا تۆماردەکرێن زنجیرەی نوێی کۆرۆنان و هەمان ڕێککارەکانی چارەسەرکردنە بۆ نەخۆشانی تووشبوو".

ناوبراو راشیگەیاند:" پێویستە توشبوو لە قۆناغی سەرەتاییدا پزیشکی چارەسەر ببینێت، نەوەک خۆی دوابخات و ڤایرۆسی نوێش پێویستی بە خۆپارێزی زیاترە بۆ ڕێگەگرتن لە خێرا بڵاوبوونەوەی".

ئەوەشیخستەڕوو:" پێویستە کەسوکار و نزیکانی توشبووی کۆڕۆنا پشکنینی تاقیگە بکەن و خۆیان کەڕەنیتن بکەن تا کەسانی دیکە تووشی ئەو ڤایرۆسە نەبن".