قوباد تاڵەبانی رایگەیاند، ئیدانەی
هیرشکردنەسەر پەرلەمانتار غالب محەمەد دەکەم و سەرجەم دەزگا ئەمنییەکان
راسپێردراون لێکۆڵینەوەی ورد لە رووداوەکە بکەن.
ئەمڕۆ هەینی، ٢٦ی شوباتی ٢٠٢١، قوباد
تاڵەبانی، جێگری سەرۆکی ئەنجومەنی وەزیرانی هەرێم بەیاننمایەکی لەبارەی
هێرشکردنەسەر غالب محەمەد، ئەندامی پەرلەمانی عێراق بڵاوکردەوە و
رایگەیاندووە:" سەرجەم دەزگا ئەمنییەکان راسپێردراون لێکۆڵینەوەی ورد
لەبارەی هێرشکردنەسەر غالب محەمەد بکەن و هێرشبەران رووبەڕووی یاسا
بکەنەوە".
ئاماژەی بەوەشکردووە:" لە پەیوەندییەکی
تەلەفۆنیدا هەواڵی کاک غالبم پرسی و دڵنیام کردنەوە ئەم کارە ترسنۆکانە لە هیچ
کەسێک قبوڵ ناکرێت".
ئێوارەی ئەمڕۆ لە گەڕەکی هەوارە بەرزە بە چەقۆ هێرشکرایەسەر غالب محەمەد، ئەندامی فراکسیۆنی گۆڕان لە پەرلەمانی عێراق و پاش وەرگرتنی چارەسەری پزیشکی رەوانەی ماڵەوە کرا.
